top of page

還原靚靚樣:消炎。修復。無疤。一支過 ! Carun 全效萬用膏


Carun kaka deep cut

放長假除咗大掃除之外 (冇錯!新年個大掃除任務等到而家先至做),其中一個重要任務就係要維修喺屋企壞咗好耐嘅傢俬。張梳化自從上次隔離鄰居個小朋友過嚟當係彈床咁跳完之後,一直就at at聲,眼見張梳化篤口篤鼻,梗係趁長假快快手剷起佢。就係我剷到半路中途,見有個鉸位變哂形kick住,就搵支螺絲批起勢咁撬,諗住快快手剷起呢個project,再睇下有冇其他嘢要執。

screwdriver kaka story

喺電光火石,批光劍影嘅時候,一鬆手個螺絲批就真係一嘢剷埋自己塊面度,即時痛到眼水都標埋!!!但係,我卡卡身為一個 man到絕頂的男人,梗係視呢啲少少痛楚如無物,繼續埋首出盡濃過北海道3.6嘅飲奶力,撬返好嗰隻畀個小朋友跳到變形嘅鉸 (佢禁有前途,佢大啲一定係童軍,因為喺我認知裏面,只有童軍先至會跳彈床),喺愛與痛的邊緣湧住嚟之間,我發現我個嘴近人中嘅位置涼涼地,跟住有啲水滴落地下。立一立眼我成個人呆咗,嗰啲滴落嚟嘅嘢原來係血;即刻跑去照鏡,見到個嘴上面有個三、四cm長嘅傷口好似隻笑口棗咁爆開咗,不斷飆血出嚟!我心諗:「唔係咁大鑊呀!」

bloody Kaka before using Carun

咋咋臨止咗血,再將啲消毒藥水大大pat咁笪落去,拿到真係。。。。想死!然後點?!然後咪諗:「咁e劑死硬,一定破相啦!」雖然俗語有云:「男人有條疤,條女唔會差」,但係男人塊面有條疤之後,似湯告魯斯淨定係湯漢斯,都係未知之數,最好都係多事不如少一事,無疤好過有疤啦! 搵下有乜可以搽,盤算下有邊隻野可以消炎,又可以修復得快,而傷口唔會有疤??!!。。。最後決定,都係搽Carun支萬用膏。

carun ointment asia version

因為上次試過滾水淥親,成A4紙咁大範圍,嗰次都係用Carun支萬用膏厚敷,竟然可以極速埋口,喺十日就好返,仲要無疤!真係未曾試過都唔信 (當然梗係唔想試啦!貪過癮咩!)

carun kaka cut progress

(兩個星期後update) 因為傷口真係太深,差唔多要搞咗一個星期至埋到口,都算快,咁埋口快可以避免肉芽增生,減少出現疤痕嘅機會。最後頭頭尾尾要再用多接近一個月至可以將啲皮膚還原靚靚樣!最神奇竟然係冇疤囉!!!!! 今次真係阿里路也!謝天謝地!多謝Carun!

*根據個人體質, 效果因人而異

Featured Posts
Recent Posts
Archive
Search By Tags

#免責聲明: 成效因人而異, 內容及資料僅供參考

bottom of page